Njoftim për dorëzimin e mostrave të vajit të ullirit për pjesëmarrje në manifestimin „Noćnjak 2023″

Ka filluar afati për dorëzimin e mostrave të vajit të ullirit dhe të produkteve nga ulliri. Në përputhje me rregulloret do të bëhet vlerësimi i mostrave të produkteve tuaja të dorëzuara dhe rezulatatet do të shpallen në vetë manifestimin. Së shpejti do t’ju informojmë për datën e saktë dhe vendin ku do të mbahet „Noćnjak 2023″.

Shoqata e ullishtarëve Valdanos bën dërgimin e mostrave të vajit të ullirit për në manifestimin „Noćnjak 2023”.

Është e nevojshme të dorëzoni dy (2) shishe vaji ulliri nga një (1) litër secila dhe të plotësoni formularin e aplikimit (formularin e gjeni në fund të këtij teksti nga ku mundeni edhe ta shkarkoni atë). Nëse nuk keni mundësi ta shtypni dhe ta plotësoni vetë formularin e aplikimit, atë mund ta plotësojmë së bashku në zyrën e shoqatës.

Dorëzimi i diplomave dhe medaljeve do të organizohet në bazë të njoftimit paraprak për ardhjen tuaj në ceremoninë e ndarjes së çmimeve, ku do të lexohen dhe do të ftohen për dorëzim personal vetëm ata prodhues që konfirmojnë ardhjen e tyre në e-mailin info@zsd.hr. Ata të cilët nuk shkojnë në ceremoninë e ndarjes së çmimeve do të mund ta marrin çmimin në zyrën e Shoqatës së kooperativave të Dalmacisë ose në selitë e bashkëpunëtorëve në të gjithë Kroacinë dhe vendeve fqinje nga të cilat ullishtarët dërgojnë mostrat për vlerësim.

Vajin e ullirit të ambalazhuar dhe produktet e ullirit të dërguara për vlerësim mund t’i prezantoni në „Noćnjak” përmes hapësirës ekspozuese në Bursë.

Formularin e aplikimit për Bursë (të plotësuar) dërgojeni në e-mail-in info@zsd.hr deri më 31.1.2023. 

Mostrat e vajit të ullirit pranohen dhe vlerësohen në dy kategori:

• vaj ulliri i ambalazhuar dhe
• vaj ulliri i hapur.

Mostrat e produkteve të ullirit pranohen dhe vlerësohen në tri kategori:

• produkte ushqimore nga ulliri,
• produkte kozmetike nga ulliri dhe
• produkte nga druri i ullirit.

Në secilën prej kategorive shpallet dhe shpërblehet produkti i vlerësuar më mirë.

Formulari i aplikimit për vlerësimin e produkteve nga ulliri gjendet në fund të këtij teksti, nga ku mundeni edhe ta shkarkoni atë.

Afati i dorëzimit të mostrave në zyrën e shoqatës sonë është deri më 15.12.2023.

Informata më të hollësishme mund të merrni pranë zyrës sonë: bulevardi Gjergj Kastrioti Skënderbeu pn (pazari i suvenirëve), në e-mailin tonë valdanos@t-com.me si dhe në numrin e telefonit 069 252 818.